Hernaniren bolada onak ez du etenik eta Ohorezko Erregional mailan lidergoa lortu du Vasconia taldeari 0-1 irabazi eta gero. Bigarren itzulia ezin hobeto hasi dute hernaniarrek eta lau partida dira jadanik jarraian irabazi dituztenak. Azkenengo zazpi partiduetatik sei irabazi dituzte. Orain hiru puntuko abantaila du Anaitasunarekiko, hauek partidu bat gutxiagorekin. Lehen sailkatua zuzenean igotzen da Hirugarren Mailara eta itxaropenak badaude Hernanin.