Andueza eta Mendizabal txapeldun, final jendetsu eta eder batean

Giro aparta eta bi partidu eder ikusi ahal izan zituen atzo kiroldegira inguratu ze­nak. Eta nola ez, Maider Men­dizabalek irabazi zuen txapela, Bea Andueza lagun zuela. Amaia Irazustabarre­na eta Maite Ruiz de Larramendi izan ziren txapeldunorde, eta es­kura izan zuten partidua, 23-28 aurretik joan baitziren. Mendizabalek jokurik onena hortxe atera, Ruiz de Larra­men­di nekatu, eta pixkanaka aldea jan zien. Arriskatu beharra zegoen, eta 28-28 zijoazela, Irazustabarre­nak kale edo bale jokatu eta ez zuen asmatu, juxtugatik.

Ikusmina piztu zuen atzoko finalak, eta askok gozatu zuten goi mailako pelota ikusiz. Datorren urterako pla­nak egiten hasiak omen dira!