Aurtengo ikasturtean, bigarren urtez jarraian, Biodibertsitatea lantzen ari dira Lehen Hezkuntzako ikasleak eta atzo, txori intsektu-jaleentzako kabi-kajak jartzen aritu ziren herriko parkeetan, «txori horiei laguntzeko». Batez ere, kaskabeltza eta amilotx urdina dira erabiltzaile ohikoenak. Baina tarteka ere erabili ohi dituzte, gerri txori arruntek, landa txolarrek eta txepetxek. Kabiak leku egokian jarri behar dira, zuloa hegoaldera dutela, eta 2-5 metroko altueran, inor bertara ez iristeko. Horretarako, Manu Iradi herriko lorazainaren laguntza izan zuten. Sagastietan ere asko jartzen direla azaldu zien, besteak beste.
Parke gehiagotara
Atzokoan, Ave Marian, Pana parkean, Goiz Eguzkin eta Leokan jarri zituzten kabiak; 22 inguru. Dena dela, herriko beste parkeetan ere jarriko dira. Ikastetxeak hasi dira euren berdeguneetan jartzen. Diputazioak bultzatutako egitasmoa da eta kabi-kajak berak jartzen ditu.