«Diskoetxeak, eragileak... elkartu diren honetan, musikariok ere elkartu beharra daukagu»

«Bakarkako borrokak, osokoak bihurtzea nahi dutenentzako jarri dugu martxan elkartea, musikari guztiak batu gaitezen, edozein dela ere gure estiloa. Diskoetxeak, eragileak... elkartu diren honetan, musikariok ere ordezkatuko gaituen ahots bat behar dugu. Gure planteamenduak, arazoak eta proposamenak zabalduko dituen tresna da MAE-EME», azaldu dio Kronikari Ainara Ortegak. Izan ere, hainbat euskal musikarik Euskadiko Musi­ka­ri Elkartu­ak jarri dute mar­txan, bigarren aldiz (1995-2002 bitartean ere izan zen). Aurre­ko astean aurkeztu zuten Donostian. Ainara Ortega eta Joxan Goikoetxea musikari hernaniarrak elkarteko zuzendaritzako kideak dira. Iñaki Salvador da lehendakaria. Dagoeneko 60 musikari inguru egin dira bazkide.