Korrika Kulturalaren barruan, Zinebira izango da gaur; hau da, film laburren emanaldia. Dobera Euskara Elkarteak eta AEK euskaltegiak antolatu dute. Zortzi korto izango dira ikusgai: Desentxufatuak (9’45’’), Deus et machina (8’30’’), Oinaze egoitzak (9’30’’), Tortila (8’15’’), Elkartea (16’) Hamaiketakoa (4’) eta Berriro igo nauzu (9’25’’). Sarrera, doan. Filmak 19:30etan hasiko dira. Aurretik, 18:30etan, Koldo Almandoz zuzendari donostiarrarekin solasaldia izango da.
Ostegunean, musika
Korrikako erakusketa ikusteko azken eguna da gaur. Bestalde, Joana Ortega hernaniarrak eta Sebastian Ustarroz argentinarrak, Chacarera bikoitza taldea osatzen dute eta kontzertua eskainiko dute ostegunean Kixkalen, 22:30etan.
Musa: Kaloka eta Pikabea, eskualdeko finalean
Korrikako Mus Txapelketan, Hernaniko txapeldunak Pepe Kaloka eta Angel Pikabea izan dira (Anbotoko finalistak ez ziren azaldu) eta eskualdeko finala jokatuko dute larunbatean, Urnietan.