Hernanin talde berri bat sortu nahi dute, etxetik bidaltzeko arriskuan daudenekin edo dagoeneko kalera bidali dituztenekin. Arazo hori daukatenentzat taldea izan nahi du, informazioa emateko, laguntza emateko edo era bateko edo besteko babesa emateko.
Datorren ostegunean, hitzaldia egingo dute Biteri kultur etxean, 19:00etatik aurrera. Bertan izango dira Gipuzkoako STOP Desahucios taldeko bi kide, eta haiek azalduko dute gaur egun nola dagoen kaleratzeen kontua. Arazo hori bizi duten guztiei dei egin diete, azaldu daitezela ostegunean.