Musika eskolako txistulariek zortzi kantu joko dituzte gaur Hernaniko Arkupetan, eguerdiko 12:30etan, eta txistu doinu batean jarriko dute Kaxkoa. Urtero bezala, martxoko kontzertua dute gaur, eta 14 txistularik emango dute ikuskizuna, Iñaki Egurenen zuzendaritzapean. Ixidro edo Jose Ignazio Ansorena txistularien kantuak, edo P. Solozabal eta Iñaki Egurenen moldaketak izango dira tartean. Kanta ezagun eta ezezagunak entzungai, jendearen gozamenerako.
Hernaniko txistulari koadrila ikusi nahi duenak ere, hantxe izango du 14kotea: Eli Ansorena, Idoia Ansorena, Jon Ansorena, Iker Apaolaza, Ander Arandia, Patri Arozena, Josu Boneta, Nahia Etxeberria, Haritz Ezeiza, Aitziber Garin, Eider Oruezabala, Irati Rekondo, Eduardo Lizarraga, eta Iñaki Eguren bera.
PROGRAMA
-Alkate soinua
Ezezaguna (XIX.m)- mold. P.Sorozabal
-Lesakako bi doinu
Xanti Irigoien
-Aizepe
Isidro Ansorena
-Kito
Joxe Mari Gonzalez Bastida
-Fandangoa eta arin-arina
L.Camblor / J.Iruretagoiena
-Bedaioko ingurutxoa
Herrikoia - mold. I.Eguren
-Inauterietako bi doinu
Ezezaguna / Kaxiano Ibarguren
-Saioarena
Jose Ignazio Ansorena