Atzo eguerdian prentsaurrekoa eman zuten 6 Udaletako alkateek, Enplegu Planaren nondik-norakoak azaltzeko.
Sei Udalek eskualdeko plan bat osatu dute, eta 484.000 euro bideratu dituzte, 81 lanpostu sortuko dituzten 6 proiektutarako.
Proiektu horiek dira, batetik, enplegu eta formakuntza arlokoak; bestetik, autoenpleguaren arlokoak; eta azkenik, kontrataziorako laguntza arlokoak.
Epe motzerako enplegu plana
Lan aukerak sortzea da plan honen helburua. Martxotik ekainera bitartean egingo dira kontratazioak, eta ondoren, iraila partean, hausnarketarako tartea izango da. Irailetik aurrera, planarekin jarraitzeko asmoa ere azaldu zuten, atzokoan.
Parte-hartze eta lankidetza
Bestalde, nabarmendu zuten plan honi esker parte hartze eta koordinazio haundia lortu dela; bai sektore askoren, bai udal teknikarien eta baita politikarien artean ere.