Hiru eguneko greba deitu dute ELA eta LAB sindikatuek gaur, bihar eta etzi, Gipuzkoako Zaharren Egoitzetan eta Eguneko Zentruetan. CCOOk eta UGTk ere gaur greba deitu dute, baina aparte. Hernaniko kasuan 26 langile daude deituta grebara, Eguneko Zentruan ari diren denak, eta Zaharren Egoitzan gauez ari direnak. Hain zuzen ere, horiek dira subkontrata bidez lanean ari diren langileak, eta horiei ari dira Adegirekin akordio bat itxi nahian.
Adegi, Diputazioaren
proposamena onartu
edo ez onartu
Gipuzkoako Diputazioak bitartekari lanak egin ditu langile eta patronalaren artean, eta proposamen bat egin du langileen baldintzak hobetzeko. 8,2 miloi euro emango dizkie enpresei, langileen baldintzak hobetzeko erabiltzen baditu. Adegik, hasieran ezezko borobila eman zion proposamen horri eta hargatik greba deitu dute sindikatuek. Atzo, ordea, beste komunikabide batzuk jakinarazi zuten Adegi proposamen hori onartzeko prest dagoela.
Sindikatuek eutsi egin diote mobilizazio deialdiei: ELAk eta LABek kontzentrazioa eta manifestazioa egingo dituzte, gaur 11:30etan, Buen Pastorren. CCOOk eta UGTk kontzentrazioa egingo dute gaur, Adegiren aurrean. Sektore honetan 4.600 langile ari dira 5.500 pertsona zaintzen.