Hernanin gero eta emakume gehiago dira kirola egiten dutenak, eta hori erakutsi nahi izan dute herriko talde desberdinek Biterin egin duten erakusketan. Emakumeak ere kirolari izena jarri diote erakusketari, eta bertan ageri dira Hernaniko emakumezko kirol taldeen argazkiak. Bi astez egongo da erakusketa Biteriko pasiloetan ikusteko moduan, martxoaren 9ra bitartean.
Lilatoia, datorren igandean
Bi helburu ditu erakusketak. Bat, emakumeen kirol jarduna erakustea, eta bi, Lilatoirako deialdia egitea. Datorren igandean da Lilatoia, urtero bezala, eta emakume guztiak animatu dituzte bertan parte hartzera.