Heldu izan zen Korrika 15aren leloa 2007an; herriari, hitzari, elkarlanari, euskerari eta lekukoari heltzeko konpromisoa eskatu zuena. Euskal emakumeak izan ziren omenduak, euskera, belaunaldiz belaunaldi, gorde eta transmititzeko egin duten lanagatik. Hori guztia bilduz, Heldu izeneko dokumentala egin zen eta dokumental hori ikusteko aukera izango da bihar 19:30etan, Biterin. Korrika girotzeko, ekintza ezberdinak antolatu ditu AEKk herriko talde ezberdinen laguntzarekin eta biharko dokumentala Txoko Feministaren eskutik izango da.
Musika saioa, asteazkenean
Musika saio ederra eskainiko dute asteazkenean hernaniko lau artistek. Artista horiek izango dira: Ania eta Morau, Ane Galardi eta Nerea Berrotaran. Arratsaldeko 19:00etan izango da Biterin.
Ostiralean, hitzaldia
Espetxeetan euskera ikasteari buruz hitzaldia emango du Rikardo Mendiolak, ostiralean. Arratsaldeko 19:00etan izango da Biterin. Hitzaldia Herrirak antolatu du.
Erakusketa, egunero
Ekitaldi horiez gain, Korrika erakusketa ikusgai izango da Biterin. Astelehenetik ostiralera 18:00etatik 20:00etara eta larunbatetan, 11:00etatik 13:00etara.