Asteartero Biterira gerturatzen direnei puntua egiten irakasten die Gema Alvarok. ‘Astearteko lagunartea’ edo ‘kluba’ jarri diote izena taldeari, asteartero elkartzen direlako, 17:00etatik 19:00etara. «Donostian ere bada antzeko talde bat, baina gauza txikiak egiten dituzte. Gure ideia da, puntua egitea, benetan». Datorren ikasturterako ere hartu dute lekua, Biterin.
«Lehenengo egunean 43k eman zuten izena!»
«Remek, nire lagunak, galdetu zidan ea puntua egiten zuen norbait ezagutzen nu-en», dio Gema Alvarok. Horrela konbentzitu zuen lagunak, astearteko klub hau antolatzeko. Espero ez zutena zen, lehenengo egunean 43 pertsonak izena ematea. «Lagunak esan zidan Emakumeen Zentrorako nahi zutela puntu ikastaroa, eta kontratatu ere egingo nindutela. Baina nik ez nuen konpromisorik nahi. Gainera, komertzioetarako-eta, egin dut puntua, baina baliteke norbaitek neri zerbait erakutsi behar izatea!». Hala ere, azkenean konbentzitu zuen, eta lagun artean puntua egiteko taldea sortzea erabaki zuten, doan. «El club de los viernes liburua irakurria nuen, eta horrelako zerbait imajinatzen nuen. Dozena erdi lagun, puntua egiteko eta ondo pasatzeko elkartuta. Baina ez 43!».
Oraindik bada tokirik
Gainezka eginda badabil ere, Gema Alvarok onartzen du ondo pasa eta jendea ezagutzeko balio duela taldeak, eta, badela tokirik: «ea mutilak ere animatzen diren!».