Hezkuntzan Geu Eragile taldeak martxan jarritako kanpainarekin bat egitea erabaki du Langile ikastolako Gelaburu Batzordeak (OOG). Gauzak horrela, LOMCE legearen aurkako hainbat protesta ekintza egingo dituzte datozen egunetan: ostiral honetan kontzentrazioak, 12:00etan Haur Hezkuntzan eta 12:30etan Lehen Hezkuntzan; murrizketen aurkako pankartak jarri eskolako eraikinetan; LOMCEk proposatutako murrizketen aurkako sinadura bilketa, geletan nahiz azokan, datorren ostegunean; eta martxoaren 2ko manifestaziora joan Donostiara.
Babesa emateko eskea
Gurasoei ere dei egiten diete Delegazioarekin harremanetan jartzeko, irakasle bat lehenengo egunetik ordezketzen ez bada, era honetako mezuak bidaliz: gure seme-alabak ez du irakaslerik. Harremanetarako: 943 02 28 69/ huisg049@ej-gv.es (Lehen Hezkuntzako pertsonala) edo 943 02 28 56 / huisgcet@ej-gv.es (ikastetxeen arduraduna). Herriko beste ikastetxeei ere atxikipena eskatu diete.