Udaleko Berdintasun Sailak antolatuta, haurdunaldi tailerra emango da asteazkenetan, martxoaren 13tik ekainaren 19ra bitartean (martxoaren 27an eta apirilaren 3an izan ezik), arratsaldeko 18:00etatik 20:00etara, Biteri kultur etxean.
Izenematea bihar irekiko da, eta martxoaren 4ra arteko epea egongo da. Horretarako, idatzi a-yarza@hernani.net edo irantzu-j@hernani.net helbideetara edo deitu 943 33 70 17ra. Gutxienez 12 astez haurdun daudenentzat eta hauen laguntzailearentzat da tailerra; 39 euro ordaindu behar dira.
Haurdunaldiko sentsazio emozional eta fisikoak ezagutzeko tailerra
Josune Martirena psikologoak eta Marijo Artola terapeutak emango dute tailer hau. Bertan, amaren, umekiaren eta familia-guneko beste kideen arteko harremanak ezagutu eta landuko dira.
Besteak beste, erabili diren teknikak izango dira: arnasketa eta luzaketa ariketak, talde dinamikak, komunikazio ez bortitzeko metodoak, erlaxazioa...