El Salvador, aukerarik gabe

Hernanik ez zion aukera­rik eman atzo El Salvadorri. Oso partidu landua jokatu zuten etxekoek. Defentsan ondo aritu ziren, plakajeak eginez, eta aldeko aukerak ondo aprobetxatzen asmatu zuten. Talde guztiaren lana izan zen txalotzekoa eta horren emaitza, 8-3ko garaipena.  
Lehenengo zatia 8-0, her­na­niarrak aurretik zirela bu­katu zen. Igor Genuak zigor kolpe bat egin zuen eta entsaio bat, ondoren. Biga­rren zatian, 62garren minu­tuan, El Salvadorrek zigor kolpea egitea lortu zuen.
Hernanik behar beharrez­koa zuen garaipena eta El Salvador bezalako talde in­dartsu bati irabazteak indarra eman dio. Arnas pixka bat hartzeko aukera ere izan dezakete azke­naurre­ko pos­tu­tik ihes eginda. Getxo eta Vigoren arabera izango da. Gaur dituzte partiduak.

Neskek, 10-17 galdu
Nesken taldeak Gaztediren aurka jokatu zuen atzo eta 10-17 galdu zuen. Partidu gogorra izan zen hernania­rren­tzat. 15 jokalari juxture­kin jokatu zuten partidua eta lehenengo zatian ondo eus­tea lortu bazuten ere, biga­rren zatian lau jokalari erdi lesionaturekin bukatu zuten. Ligako azken partidua joka­tuko dute datorren astean, Uribealdearen aurka, etxetik kanpo.