Jokin Mujika eta Andoni Portillo, munduko Olinpiadetan parte hartzeko bidean

Jokin Mujika eta Andoni Portillo hernaniarrak Spain­Skills txapelketan ari dira parte hartzen, hau da, Lan­bide Heziketako Estatu­ko Txapelketan. Madrileko IFEMA feria gunean ari dira euren ezagutzak eta abile­ziak erakusten, bakoitza bere arlo­an. Mujika elektronikan ari da eta Portillo  Ingeneritza Me­ka­nikako Diseinua-CADen. Andoaingo La Salle Berroz­pe ikastetxeko ikasleak dira.
Mujikak eta Potillok, SpainSkillen parte hartzeko aukera izan dute, aurretik EuskoSkills txapelketa iraba­zi zutelako, hau da, Erkide­goko txapeldunak izan ziren. Iazko maiatzean izan zen hori, Ficoban.

250 ikasle inguru
Madrilen 250 ikasle inguru ari dira parte hartzen txapel­ketan, 33 espezialitatetan bana­tuta; hau da, skills-etan. SpainSkills-eko arlo ba­koitze­an lehenengo postua lortzen dutenek, WorldSkills nazioar­te­ko txapelketan hartuko du­te parte. Hain zuzen, mun­duko Olinpiadak dira eta Leip­zizen jokatuko da, Ale­manian, uztailaren 2tik 7ra.