Urtero bezala, Mendiriz Mendik eta Hernaniko Udalak mendi buelta antolatu dute Hernani ezagutuz ekimenaren barruan. Ekimen honen bidez Hernaniko paraje bereziak ezagutzeko aukera izaten da eta oraingo honetan Usokoerrekan zehar ibiliko dira. Igandean izango da mendi buelta eta gaur eta bihar izena emateko aukera dago, Mendiriz Mendiren bulegoan, gaueko 20:00etatik 21:00etara. Igandean, goizeko 08:30etan abiatuko dira Atsegindegitik. 4 ordutik gorako ibilaldia izango da.
Trabesiako eski ikastaroa
Mendiriz Mendik trabesiako eski ikastaroa antolatu du aurten ere. Ikastaroa otsailaren 23 eta 24ko asteburuan izango da. Astelehenean, bilera antolatu dute 20:00etan trabesiako eski ikastaroan interesaturik daudenekin.