Gipuzkoako Stop Deshaucios taldeko kideek emango dituzte azalpenak. Ikatza Liburugunean izango da arratsaldeko 19:00etatik aurrera. «Errealitate gordina», azalduko dute.
Azken aldian, Gipuzkoako hainbat herritarrek bizi duten egoera larriaren berri emango dute gaur, Gipuzkoako Kaleratzeak Stop Deshaucios Taldeko kideek. Hain zuzen, etxe kaleratzeen inguruko hitzaldia emango dute. Arratsaldeko 19:00etatik aurrera izango da Ikatza Liburugunean. «Etxe kaleratzeen errealitate gordina», azalduko dute. Etxe kaleratzeen inguruko informazioa eskainiko dute, Herri Ekimen Legegilearen inguruko datuak, kaleratzeak geldiarazteko prozedurak... ondoren solasaldirako tartea egongo da.
Ikatza Liburuguneko kideek dei egiten diete herritarrei hitzaldira azaltzeko: «Gure etxeak defenda ditzagun!».
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!