Urrea, 200 metroan

Promesa azkarrena bera da. Promesa egin, egina zegoen, baina kunplitzea ez da erraza izaten. Hernaniarrak kunplitu du. Urrea, 200 me­troan, eta laugarren postua 60 metroan. Maitane Iruretago­yenak irabazi egin zuen atzo Espainiako Txa­pel­keta. As­mo horixe zuen asteburu ho­netan, eta dudarako tokirik ez du utzi: denbora ere ona, bigarrenak baino 3 dezima az­karragoa: 24.57.

Finalean bigarren, Sonia Molina izan zen, 24.87 denborarekin, eta hirugarren, Clara Llamazares, 25.45 denborarekin.

«Urre honek konfidantza bueltatu dit»
Iruretagoyena gustora zen 200 metroan lortutako urrearekin. Ez da gutxiagorako, hernaniarrak urreaz gain 60 metroan laugarren postua lortu baitu. Asteburu berean 6 karrera korritu di­tu, eta atzo adibidez, 200 eta 60 metroko finalak 30 mi­nu­tu­ren gorabeheran jo­katu zi­tuen. Bere orrialdean halaxe adierazi zuen atzo arratsaldean: «urre honek konfidantza bueltatu dit. Es­kerrik asko karreraz ka­rrera hor izan zareten guztioi!».