buruntzaldean gero eta gehiago dira kotxeko karneta euskeraz ateratzen dutenak. Hiru urtez saiatu dira Udaletxeetako Euskera Batzordeak hori bultzatzen, eta eskaerak gora eta gora ari dira. Joan den urtean 113 lagunek aprobatu zuten teorikoa euskeraz, 2011n 60 izan ziren; eta 2010ean 34 lagun. Aurten beraz, iaz baino bi aldiz gehiagok atera dute karneta euskeraz. Buruntzaldeko Euskera Batzordeek saritu egin nahi dute lan hori, bai autoeskolek egiten dutena, eta bai herritarrena, eta 10 sari eman ditu: hain zuzen, matrikularen balioa ordaindu egin zaio autoeskola bakoitzeko ikasle bati. Horretarako, joan den ostegunean zozketa egin zen Andoaingo Udaletxean, eta autoeskoletako irakasleek atera zituzten irabazleen izenak. Hernanin hiru autoeskolek ematen dute aukera euskeraz karneta ateratzeko, eta beraz, hiru saritu izan dira. Otamendi autoeskolan: Yeelen Pellejero; Hernani autoeskolan: Ander Goya; eta Lagunak autoeskolan: Borja Polaina. Astigarragan, Iker Uranga, Otamendi autoeskolakoa.
Hernanin datu ederrak
Bost herritako autoeskolek parte hartu dute kanpaina honetan, eta Hernanik emaitza ezinhobeak eman ditu. Aprobatu dutenetatik 66 dira hernaniarrak; Andoaingoak 16; Astigarragakoak 9; lasartearrak 16; eta Urnietakoak 5.