Pakerik ez dute aurten errio bazterrean bizi edo lan egiten dutenek. Ilbeltza esaten zaio urtarrilari, eta aurten halaxekoa joan da; zeharo euritsua, astebetez Hernani alertan eduki zuena. Otsaila ordea, ez dator hobea. Lehengo zortzi egunetan 215 litro bota ditu metro karratuko. Hori da, otsail normal batean egiten duena baino %27 gehiago. Eta oraindik asko egingo du, parte guztiek diotenez. Ostegunean 50 litro bota zituen Añarben, eta beste behin Landare ur azpian geratu zen.
Aste guztian zaparradak
Frontea frontearen atzetik agindu du Euskalmetek, eta aste honetan euri asko egin dezake. Gaur goizean ateri eutsi omen dio, baina iluntzean eta bihar asko botako du. Ikusteko dago, Urumeari nola eragiten dion.