Diputazioak lan baldintza hobeak proposatu ditu helduekin lanean ari diren langileentzat

Lan baldintzak hobetuko zaiz­kie Hernanin helduekin la­nean ari diren 26 langileri. Zehatz esateko, %2,6 igoko zaie soldata 2013an, (KPI-IPCari dagokiona). Horrez gain, aintzinatasunean KPI bai­no igoera altuagoa izango dute, eta beste proposamen bat ere egin da, atsedenal­dia­re­kin lotura duena. Foru Al­dun­­diak hartu du konpromiso hori, eta Gipuzkoako 4.800 langileri eragingo die. Foru Aldundiak horretarako, 8,2 miloi euro jarriko ditu, eta bi urteko konpromisoa hartu du.
Ander Rodriguez Gizarte Po­litikako diputatuak pren­tsau­rrekoa eman zuen atzo, eta berarekin batera izan zen  Ezinduen eta Desgaituen La­gun­tzako zuzendari Txelo Pe­rez. Konpromiso hori har­tu­ta,  Foru Aldun­diak askatu egin nahi du langile eta pa­tro­na­laren artean dagoen blokeoa.

Subkontratatutako langileak
Erabaki honek eragingo die soilik azpikontratatuta dau­den langileei. Gipuzkoan 4.800 langile dira egoera horretan, eta horietatik 26 Hernanin. Batzuk, Eguneko Zen­troan la­nean ari dira, eta beste batzuk Zaharren Egoitzan gaueko turnoak egiten.
Lan­gile horiek hainbat en­presek azpikontra­ta­tu­ta dau­de, eta aspaldi ari dira lan baldintza hobeak eskatzen. Patronala eta langileak akor­diorik ez zuten ixten Lan Hi­tzar­men berri baterako, eta  hiru eguneko greba iragarria zuten langileek otsailaren 27tik aurrera. Orain ikusi beharko da, neurri berri honekin zertan geratzen diren konbokatoria horiek.

Rodriguez: «Diputazioaren betebeharra da langile horien eskubideak betetzea »
Azpikontratatuak egonagatik, Diputazioak finantzatuta or­dain­tzen dira soldata horiek, eta Rodrigue­zek dio Dipu­ta­zioa­rena dela horien ardura: «Lan­gile horiek lan esku­bi­deak betetzea Dipu­tazioaren betebeharra da». Horrez gain, jakinarazi du oso kezkatuta daudela zer ger­ta­tuko den hiru eguneko grebak aurrera egiten badu. «Gi­puz­koan 7.067 plaza eskaintzen dira adinekoen egoitzetan, eta horietatik 6.169 plaza dira Diputazioak hitzar­tu­takoak eta finantzia­tuta­ko­ak. Beraz, Diputazioaren ar­du­ra da zerbitzu on bat ematea».

Rodriguez: «Orain ez dago arrazoirik langileen eskubideak urratzeko»
Diputatuak jakinarazi due­nez, kalkuluak aterata daude eta, «ez dago arrazoi tekni­korik ez­ta ekonomikorik ere lan­gi­leen es­­kubideak urratze­ko», eta «neu­­rri legal guztiak era­bi­li­ko di­tugu enpresei betearazteko».