Beste bultzada bat turismoari...

Atzoko eguna garrantzi­tsua izan zen Hernaniko tu­rismoarentzat. Batetik, Her­na­niko Udalak eta Behe­mendik hitzarmena sinatu zuten, Hernaniko turismoan elkarlanean jarraitzeko. Bes­tetik, bailarako hainbat ostalaritza en­pre­sa bildu ziren Biterin, eta azalpenak eman zitzaizkien kalitatezko zigilua lortzeko programa bati buruz.

Hernaniko Udalak eta Behemendik hitzarmena, urte guztirako
Urte guztiko hitzarmena si­na­tu zuten atzo, Luis In­txauspe Hernaniko Alkateak eta Juan Cruz Alberdi Behe­mendiko arduradunak. Aur­ten ere txotx denboraldian Pakete Turisti­koa izango da aukeran bai hernaniarrentzat eta bai kanpotarrentzat: tren turistikoan bi­daia, Kaxko his­torikoa ezagu­tzea, sagardotegietan kata eta bazkaria...
Iazko eskaintza mantendu egingo da, eta udaran eta txotx denboraldian informazio puntua izango da Biteri aurreko plazan. Pakete turistikoa eta informazio puntuan ariko den langilea Behemendiren bitartez kontratatuko dira, eta horrez gain, erabateko elkarlanean ariko dira bi aldeak.

Turismo informazio
bulegoa, Biterin
Sinadura ekitaldia Biterin izan zen, Turismo informazio bulego berrian, hain zuzen. Lehen Atez Ateko bulegoa zeoen hor, eta orain Turismo informazio bulegoa izango da. Bertan ariko dira Udal Turismo teknikaria, eta Behemendiko langile bat, bailarako turismo dinamiza­tzailea, hain zuzen ere. Aste­lehenetik ostiralera ariko dira, goizez.
In­txauspek azaldu zuen, Her­na­ni pausoak ematen ari dela    turismoari bultzada bat emateko. «Orain txotx denboraldiari begira ari gara, baina Hernanik baditu gauza interesgarri gehiago ere, eta jakinarazi egin behar ditugu: ondare historikoa (Kaxkoa, megalitoak), natur ondarea (Aiako Harria parkea)... gaur egun udaran eta neguan zentratzen dugu turismo plana, baina nahi dugu urte guztira zabaltzea. Alde horretatik, lujo bat da Behemendi bezalako talde bat gurekin lanean aritzea».  

«Herritarrentzat ere bai»
Intxauspek azpimarratu zuen, herritarrei begira ere egiten dela turismo plana, eta proposatzen diren ekin­tza ia guztiak herritarrentzat ere interesgarriak direla. Azken nobedadea da, adibidez, ibilbide berri bat, Hernaniko 16 parke eta plaza pasatzen di­tuena. Mapa eta guztiko ibilbidea da, eta baliagarri du herritar zein kanpokoak.

Kalitatezko oinarrizko
seiloa, enpresa txikientzat
Behemendik eta Basque­tou­rrek programa bat aurkeztu zuten atzo, kalitatezko oinarrizko zigilua lortzeko. Osta­la­ritzako en­pre­sa txikientzat da programa hori, eta urtebetean lortu liteke zigilua (35 ordu inguru dedikatuta), dohainik. Asteartean hasten da kurtsoa, eta 15 enpresa behar dira taldea sortzeko. Momentuz 11 daude izena emanda. Informazio gehiago: 656 705 243.