Aurten lehenengo aldiz atletismo pistan egingo dira Adarraga Memorialeko lasterkeak. 49garren edizioa izango da aurtengoa, eta alebin eta infantilen mailako Gipuzkoako Eskolarteko Txapelketa jokatuko da, goizeko 11:00etatik aurrera. Lehenago, 10:00etan hasita, kadete eta junior mailako lasterketak ere izango dira.
Hiru ibilbide
Mailaren arabera, parte-hartzaile bakoitzak korrika egin beharreko distantzia desberdina izango da, eta itzuli gehiago edo gutxiago egin beharko dituzte, atletismo pistaren barrutik eta kanpotik prestatu diren hiru ibilbideetan. Goizeko 10:00etan junior eta kadete mailako mutilen txanda izango da, eta 5.155 metro egin beharko dituzte. 10:35etan neskek, 3.305 metro egingo dituzte. Infantil mutilek 3.305 metro egingo dituzte, 11:00etan hasita, eta neskek, 2.680 metro, 11:25etan hasita. Alebin mutilak, 11:45etan aterako dira (2.680 m) eta neskak, 12:05etan (2.065 m).