Urteko lehenengo erailketa salatu zuten atzo, Plaza Berrin

Ostegunean 42 urteko emakume bat hil zuten Antsoainen (Nafarroa). 2013 urtean Euskal Herrian gertatutako lehenengo erailketa kasua izan da hau. Gertaera hau salatzeko, kontzentrazioa egin zen atzo Plaza Berrin, Hernaniko Udalak, Berdintasun Kontseiluak, Txoko Feministak eta Kafeta Feministak deituta, Emakumeen Mundu Martxako Plataformarekin bat eginik. «Eraso sexistarik ez» lemaren atzean bildu ziren hainbat herritar, gertatutakoa salatu eta eraso sexistekin amaitzeko berehalako beharra dagoela adierazteko.