Inauteri kutsua hartuta dago herria. Eguerdiko 12:00etan Urumea ikastetxeko Iñude eta Artzaiak aterako dira. Herrian barrena ibili ondoren, Plazan (euriarekin Atsegindegin) antzeztuko dute ekitaldi nagusia. Aurten 20 urte beteko ditu konpartsak, eta 180 pertsona inguruk hartuko dute parte.
Musika Bandaren kontzertua
Musikarako tartea ere izango da gaurkoan. Eguerdiko 13:15etan Inauterietako kontzertua emango du Musika Bandak, udaletxeko arkupeetan. Zipri Otxandorena zuzendari, 14 doinu joko dituzte: Diana, Pello ziri ziri, Baratzako pikuak, Galtzaundi, Pastelero, Farol dantza, Paquita la Vergaresa, Isabelita, Contrapas, Polka, Praskuarena, Habanera, Jota eta Irureta.