Astigarragako Herritar Taldea osatzen duten «pentsamolde eta herri ikuskera ezberdinak dituzten herritarrek; musikari, kirolari, hezitzaile, mediku eta herri erakunde ezberdinetan partehartze zuzena duten astigartarrak». Horrela aurkeztu du taldeak bere izaera, prentsa ohar baten bidez. Bertan, astigartar guztiak gonbidatu dituzte gaur eguerdiko 12:30etan Astigarragako Foru Plazan egingo duten agerraldira.
«Lasaitasuna transmititzeko» agerraldia
Astigartar talde honek dio «azkenaldian herrian hondakinen inguruan gertatzen ari diren gauzekin larrituta» daudela. Horregatik, beren «ikuspuntua plazaratu nahi» dutela, «datorren erronka berriaren aurrean lasaitasuna transmititzeko. Izan ere, Astigarragan, azken hilabeteetan, krispazioa da nagusi eta horrekin amaitu behar dugu, elkarbizitzaren eta herriaren mesedetan».