Arrasateko 2012ko Akordeoi Txapelketako irabazleak dira Sofia Ros, Garazi Navas eta Helena Souda akordeoi-joleak. Hirurak entzuteko aukera paregabea izango da gaur, arratsaldeko 19:00etatik aurrera, Milagrosako kaperan. Kontzertu hau, Milagrosako akordeoi kontzertu zikloaren barruan antolatu da, Hauspoz, Euskal Herriko akordeoi elkartearen eskutik eta Hernaniko Udalak babestuta.
Hiru-launa pieza
Akordeoilari bakoitzak hiru-launa pieza joko ditu.
Sofia Rosek interpretatuko ditu, A. Piazzolaren Fuga y Misterio, G. Hermosaren Idiarena eta H. Pascoalen Bêbe.
Garazi Navasek berriz, lau pieza joko ditu: J. S. Bach-en Preludio y fuga BWV 857, F. Mendelssohn-en Chanson de printemps, A. Kusyakov-en 2garren Sonata (2 eta 3 mugimenduak), eta F. Gurbiondoren Fantasía para acordeón.
Azkenik, Helena Sousak beste 3 kantu joko ditu: T. Yoshimatsu-ren Onion Ballet Suite (1, 3 eta 4 mugimenduak), F.J. Hadyn-en 50garren Sonata Re M-en, eta O. Schmidt-en 2garren Toccata.
Punta-puntako akordeoilariak, hirurak
Sofia Rosek 11 urte ditu, eta Tenerifetik dator. Azkeneko bi urtetan hainbat sari jaso ditu. Hala nola, Gipuzkoako Txapelketako 1go saria, Cuenca Hiriko Interprete Gazteen Txapelketako 1go saria eta Italiako Citta de Castefidardo txapelketako 3garren saria.
Garazi Navasek berriz, Euskadi eta Gipuzkoako Musikari Gazteen eta Juniorren txapelketak irabazi ditu azken bi urteetan.
Helena Sousak ere hainbat txapelketatan irabazi izan du 1go saria; A Coruñako Artisau Zirkuko Interprete Gazteen Txapelketan edota Gipuzkoako Txapelketan, besteak beste.