Areitio aurretik, berriz ere

Lehengo  urtean ez bezala, aurten Benito Ros aurrez aurre izan du Jon Areitiok, elite mailan. Baina hala ere, lehenengo proba honetan gorengo postuari eustea lortu zuen Areitiok. Biek lortu zuten pro­ba 0 punturekin amaitzea, baina Areitiok 1:46:00ko denbora egin zuen, eta Benito Rosek berriz, 1:50:00koa.
Fagollagan egin zen Gi­puzkoako Txapelketa honetako lehenengo proba, pasa den igandean. Hurrengo lau probak izango dira Pasai Donibanen, Oñatin, Urre­txun eta Tolosan.

Iker Rodriguez 3garren
Infantil mailan, Iker Rodri­guezek 3garren postuarekin konformatu behar izan zuen, 15 puntu aterata. Jon Gon­zalez eta Patxi Cruz gailendu zitzaizkion, 2 pun­tu eta pun­tu bateko aldearekin, hurrenez hurren. Hala ere, Ro­dri­guezek denbora hobea e­gin zuen, 2garren postuan geratutako Patxi Cru­zek bai­no.
Gainontzeko parte har­tzai­leei dagokienez, junior-senior mailan, Jon Gonza­lezek irabazi zuen; alebinetan, Andoni Perezek; eta ben­jaminetan, Haimar Etxebe­rriak.