Hernanik Cienciasen aurka jokatuko du gaur, aurkari zuzenaren aurka. Anoetako miniestadioan izango da, 12:00etan.
Hernanik Ohorezko mailan mantentzea du helburu eta bide horretan garrantzitsua izango da gaurko partidua irabaztea. Ciencias Cajasol taldea izango du aurrez aurre, aurkari zuzenetan zuzenena. Hernani 10garren postuan dago eta sevillarrak postu bat aurretik daude, puntu baten aldearekin.
Norgehiagoka Donostiako Anoetako miniestadioan jokatuko da, Landare ez baitago oraindik jokatzeko moduan, uholdeen eraginez. Eguerdiko 12:00etan hasiko da.
Joaneko partiduan sevillarrak nagusitu ziren, baina etxetik kanpo ez da fin ibiltzen den taldea. Hernaniarrek ere euren zelaian jokatuko ez duten arren, irabaztea besterik ez dute espero. Horretarako zaleen berotasuna eta bultzada ere beharko dute eta dei egiten diete Anoetara azaltzeko.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!