Gipuzkoako Trialsin Txapelketa igandean hasiko da, Fagollagan. Txapelketa hau, bost probek osatzen dute eta gainerako probak Pasai Donibanen, Oñatin, Urretxun eta Tolosan jokatuko dira.
Hernanin, Iker Rodriguezek hartuko du parte, etorkizun haundiko trialsinlariak. Munduko azpitxapelduna izandakoa da, besteak beste, 2010ean benjamin mailan.
Lasterketak, 10:30etatik 13:30etara izango dira. Antolatzaileek, umeei parte hartzeko dei egiten diete. Behar dituztenentzat, bertan izango dira bizikletak eta kaskoak.
Bizikleta bat, zozketan
AL4bikes.com-eko bizikleta bat zozketatuko da haurren artean. Horretarako probetan parte hartu behar dute. Gehienez, proba bat utzi dezakete egin gabe.