Cajasoli begira, atzo galdu eta gero

Hurrengo partiduari be­gira jarri beharra dago. Gal­du egin zuen atzo Hernanik, Cis­ne­rosen kontra, kaotikoa izan zen partidua. Irabazteko au­kera ere izan zuten, eta punturik gabe etxera, azkenean.

Lehenengo 20 minutuak...
Lehenengo zatian 17-0 jarri ziren aurretik madrildarrak. Hor, partiduko klabe bat. Sekulako ahalegina jo zuten Patrick Polidoriren mu­tilek, eta fruituak eman zizkien: Barandiaranek eta Esnalek entsaio bana egin, eta Ge­nuak biak gauzatu: 17-14, eta atsedenaldira.

Bigarrenean Hernanik ekin zion erasoan. Marka­gailuan inguratzea nahikoa ez, pasa egin behar izaten da, eta horretara zijoazen hernaniarrak. Entsaioa eskuetan, baina huts. Cisnerosek arnasa hartu zuen, eta baita Com­plu­ten­se­ko zelaira inguratutakoek ere. Hortik aurrera, be­rriz gainbehera. Madrilda­rrek zigor en­tsaioa, eta gauzaketa: 24-14. Genuak eutsi egin nahi zion partiduarik, eta zigor golpe baten bidez defentsako bonusa lortzeko moduan jarri zuen taldea: 24-17. Madril­da­rrak ez zeuden oparietarako, eta oso jokaldi katramilatsu­an, azken entsaioa lortu zu­ten, eta erasoko bonusa, eta gau­zaketa. Hernani punturik gabe.

Hernani 22 punturekin dago, eta atzetik bi talde ditu, 18rekin eta 14rekin. Hurrengo astean Cajasol, aste honetan Hernaniri aurrea hartu dion taldea. Puntu batera daude. Burua altxatzeko garaia da.