Kasta atera beharko dute gaur hernaniarrek Madrilen, Cisneros taldeari irabazteko, Ohorezko mailako 13garren jardunaldian. Hiru puntuko aldea murrizteko aukera dauka Hernanik, Cisnerosek berriz, lehenengo bueltako porrotarengatik mendekua hartzekoa.
Ez da Hernani momentu gozoenean ari. Denboraldi hasieran pilatutako puntuei esker, 9garren postuari eusten dio, 22 punturekin, eta atzetik hiru talde dauzka: Cajasol puntu batera, eta La Vila eta Vigo 8 puntura. Cisneros, behetik gora dijoa. Puntu asko egiten ditu partiduro baina baita jaso ere. Joko irekia du gustoko; dotore jokatu, eta jokatzen utzi.
Partidu parekatua espero da gaur. Hernanik 26-24 irabazi zuen Landaren, eta baloia mugitzen asmatzen badu, min haundia egin diezaioke Cisnerosi.
Partidua, Complutenseko Central zelai dotorean, eguerdiko 12:30etan.