Euskeraz idatzitako liburu bat irakurri berri duzu eta gainerakoei gomendatu nahiko zenieke? Kronikak horretarako bidea emango du datorren igandetik aurrera. Dobera Euskara Elkarteak eta Udal Liburutegiak elkarlanean, atal berri bat sortu dute: Literatur Txokoa. Bertan, euskeraz idatzitako liburuak gomendatzeko aukera izango da.
«Helburua, euskeraz
irakurtzea eta parte hartzea bultzatzea»
Edozein herritarrek hartu dezake parte egitasmo honetan. Hala azaldu dute antolatzaileek: «Ez dute adituek egindako iruzkinak izan beharrik. Euskeraz idatzitako liburu bat gustatu bazaizu, gomendatzera animatzen zaitugu. Nahikoa da idaztea ze sentitu duzun, ze gustatu zaizun...». Izan ere, helburua honakoa da: «herritarrek euskeraz irakurtzea bultzatu nahi dugu eta baita parte hartzea ere», diote.
Hilabetean behin, Kronikan
Literatur Txokoak hilabeteroko maiztasuna izango du. Kronikan argitaratuko da, igandez, 7garren orri honetan.
Datorren igandean, hasteko, Udal Liburutegiak egingo du iruzkina. Bertol Arrietaren Alter Ero liburua gomendatuko du.
800 karaktere
Iruzkinak edo gomendioak 800 karaktere inguruko idatziak izango dira eta helbide honetara bidali behar dira: dobera@dobera.com. Egilearen izen-abizenak jarri behar dira.