Maialen Lujanbio eta Jon Maia bertsotan ariko dira bihar, Astigarragako Ipintza sagardotegian. Bertso bazkariarekin ekiten dio urtero denboraldiari Ipintzak, eta punta-puntako saioak atera izan dira beti. Joan den urtean ere Maialen Lujanbio han izan zen, Andoni Egañarekin, eta arratsaldeko 21:00etan oraindik han ari ziren, etxerako presarik gabe. Aurten lana latz egin beharko dute iazko saioa berdintzeko, baina zein bi bertsolari diren ikusita ez du arriskua, hobetzeko ere. Elkar ondo ezagutzen duten bi bertsolari, generazio batekoak, eta umore fina bezain partikularra darabilkitenak... txispak atera litezke gaurko saioan.
Bertso bazkaria, 14:00etan izango da. Menua: piper pastela, bakailao tortila, bakailua saltsan, arkumea eta txuleta, postrea eta kafea. Prezioa,
30 euro. Apuntatzeko, deitu: 688 811 724. Edo idatzi: ipintza@ipintza.com.