Donostiako zipriztindua, Astigarragari

Donostiako zipriztindua hartu zuen atzo Petritegi sagardotegiak eta Astigarra­gak, La Oreja de Van Gogh musika taldeak eman bai­tzion hasiera aurtengo txotx denboraldiari. «Gure sagardo berria!» oihu egin aurretik, Leire Marti­nez abeslariak azaldu zuenez, «errekonozimendua etxean egiten denean, bi aldiz balio izaten du». Mundu mailan arrakasta daukan musika taldeko bost kideek sagarrondoa landatu zuten Astiga­rra­gako sagardo etxean, eta handik segidan joan ziren Pe­tri­tegira ohorezko tragoa hartzera, ordezkari, arduradun, sagardogile eta abar haundi bat atzetik zutela. Aurrez, prentsaurrekoan azaldu zi­tuzten sagardo uzta bikaina izango denaren ezaugarriak: ondo heldutako sagarrarekin egina, afrutatua eta gradu gehixeagoduna.