Malda-gora hasi du Hernanik, denboraldiko bigarren itzulia

Partidu zaila izan zen atzokoa. Hernanik egun txarra izan zuen, eta partidua irabazteko aukerak bazituen arren, entsegu bakar bat egitea lortu zuen. 13 eta 19 galdu zuen Vigoren aurka, eta ondorioz, malda-gora jarri zaio denboraldiko bigarren buelta.
Hala ere, orokorrean, jo­ku eta puntu gutxiko partidua izan zen. Bi taldeek en­tsegu bana egin zuten, biak partiduko azken zatian. Gainontzeko puntuak, zigor-kolpeen bidez atera ziren.

Lokatza eta nahasmena
Egunak bere aurpegirik txarrena erakutsi zuen atzokoan. Euria barra-barra bota zuen, eta lokatza eta nahas-masa nagusitu ziren Landa­reko zelaian.
Partiduko lehenengo za­tian, zigor-kolpeen bidez lor­tu zituzten bi taldeek puntuak. Hala ere, Hernanik ba­zuen aurrea hartzeko aukerarik, 13 jokalariren aurka aritu baitzen, epaileak  Vigo­ri ateratako aldi baterako bi kanporatze eta txartel gorri bat medio.
Baina atsedenaldira 6-9 galtzen iritsi ziren. Bigarren zatiaren erdialdera, Vigok entsegua egitea lortu zuen, baita transformatzea ere. Bu­kaera aldera esnatu ziren her­naniarrak, eta Jokin Esna­len korrika saio bati jarraituz, Oier Garmendiak entsegua egitea lortu zuen, eta Genuak, transformatzea. Bes­te entsegu bat egiteko puntuan izan ziren, baina ez zuten lortu. Markagailua, 13 eta 19 gelditu zen.

Entrenamendua larunbatean, Euskadiko Selekzioarekin
Hernaniko 7 errugbi jokalari Euskadiko Kadete eta Gazte Selekzioarekin entrenatzeko deituak izan dira; Beñat Iradi, Mattin Mujika, Peio Perez, Mikel Paino, Tomas Elorza, Jon Ander Puertas eta Mattin Collado. Entrenamendua la­runbatean, Landaren.