Giro paregabea jarri zuten atzo, Dida! saioko esatariek: Jon Gotzon, Edurne Garmendia, Ainhoa Vitoria eta Joseina Etxeberriak. Sagardoa atera den bezalako bertsoak kantatu zituzten, goxo eta biziak, txotxa irekitzeko gonbitea eskertzeko. (bideoa: www.kronika.net). «Hemendik aurrera inork ez dezala gaizki hitz egin gure aurrean Hernaniko sagardo denboraldiaz, sagardoaz, ez eta jendeaz ere. Benetan bihotzean eramango zaituztegu-eta. Biba zuek! Eutsi Hernani!».
ETBko Maikrux eta Marikarmen atsuak ere berehala azaldu ziren, barrabaskerietarako prest. «Hau da Hernaniko aurtengo denboraldiko lehenengo baso puskatua!» esanez, egin zuten tragoa, basoa lurrera bota baino lehen.
Gero, Plaza bete zuten hernaniarren txanda izan zen.
Informazio gehiago: Txotx irekierako bideoa.