Altzako Gabonetako Torneoko finalak jokatuko dira gaur. Eskuz binakako finalean, hiru pelotari hernaniar protagonista izango dira. Paul Ojuel eta Aitor Gorrotxategik, Ioritz Arrieta eta Arzelus donostiarraren aurka jokatuko dute. Partidu parekatua espero da. Finalera iristeko, Ojuel eta Gorrotxategik 22-11 irabazi zieten Artola eta Apeztegiari (Asegarcerekin aurrekontratua duten pelotariak dira). Arrieta eta Arzelusek ere emaitza berdinarekin, 22-11, irabazi zieten Jaka eta Rezustari (Sub22 mailako Munduko Txapeldunak). Hernaniarren finalaren aurretik, pala motzeko finala jokatuko dute, afizionatu mailan gaur egun dauden 4 pelotari onenek.
Umeak Pelota Eskolan apuntatzeko aukera,
bihartik aurrera
Bihartik aurrera, aukera izango da Pelota Eskolan apuntatzeko 2001-2004 urte artean (bi urte horiek barne) jaio diren umeak. Izena emateko, Kiroldegiko frontoira jo behar da eta Rufino Rekalde delegatuari esan behar zaio. Honako egun eta orduetan eman daiteke izena: astelehen, asteazken eta ostegunetan, arratsaldeko 18:00etatik 19:00etara; eta astearte eta ostegunetan, arratsaldeko 18:00etatik 21:00etara.