Mendiriz Mendi elkarteak eski ikastaroa antolatu du. Urtarrilaren 12 eta 13an izango da eta iraupen eskia eta eski alpinoa erakutsiko dituzte. Ikastaroan interesatuta dauden pertsonekin bilera egingo da astelehenean, 20:00etan, elkarteko bulegoan (Iturregi plaza z/g). Bilera horretan azalduko dira prezioa, ordutegia, ikastaroaren zehaztasunak… Izena emateko elkarteko bulegotik pasa behar da astelehen, ostegun edo ostiraletan, 20:00etatik 21:00etara.
Bizkaia aldera irteera
Helduentzako irteera antolatu dute urtarrilaren 13an. Arraina eta ardoaren bidea egingo dute (GR-38). Hain zuzen, 3garren etapa, Durango–Otxandio artekoa. Izena emateko aukera dago gaur, astelehenean eta ostegunean, 20:00etatik 21:00etara, elkarteko bulegoan. Bizkaia aldera, 07:30etan aterako dira Atsegindegitik. Prezioak: 11 euro bazkideek eta 14 euro bazkide ez direnek.