Gaurkoa da 2012 urteko azken eguna, eta urtea behar bezala agurtzeko, ez da faltako urteroko zita. Ohitura Zaharrak abesbatzak bertso, kopla eta kantuak kantatuko ditu gaur, 17:30etan Plazatik abiatuta. Trikitilariak izango dituzte lagun, eta Kaxkoan barrena ibiliko dira.
Abiatu baino ordu laurden lehenago, 17:15etan, jarri dute elkartzeko zita, udaletxeko arkupeetan.
Festa, Goiz Eguzkin eta Karboneran ere
Urtea bukatzeko, ordutegi berezia izango da gaur Goiz Eguzkin; 15:00etatik 18:30etara irekiko dute. Karboneran berriz, festa izango da gaur gauean, mozorro eta DJekin.
Urtea hasteko berriz, bailea izango da bihar Goiz Eguzkin, 17:30etatik aurrera.
Bertso jaialdia
Bertsolatarekin bukatzeko ez da asko falta. Larunbateko emanaldi gozo eta txispaz betearen atzetik, Bertso jaialdia izango da ostiralean, 19:30etan Biterin, punta-puntako bertsolariekin.
Urte zaharreko erronda, urtea bukatzeko
Ohitura Zaharrak abesbatza urte zaharreko errondan aterako da gaur, 17:30etan Plazatik. Urtea bukatzeko, beste hainbat ekintza ere izan dira egun hauetan. Bereziki, musika izan da jaun eta jabe.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!