Infantil mailako 12 neska talde gaur goizean, Zubipen

Gaur, lehenengo aldiz, Jo­xean Arabiatorre I.Txa­pel­keta jokatuko da Zubipen. Denera, infantil mailako 12 neska tal­dek hartuko dute parte, goi­ze­ko 10:00etatik 13:00ak bitar­tean. Babesleak dira: Rioja eta Txili tabernak; Aitor Lasa gaztategia; Bere­ziartua sagar­dotegia; eta Alber­di eta Getari harate­giak. Jokoan arituko dira Her­na­niko 3 talde, Añorgako 2, Zu­maia­ko 2, Tolosako 2, eta Ordizi, Zarautz eta Ur­nietako bana. Partiduak 4 taldeko 3 multzotan jokatuko dira.

3 sari
Txapelketa honetan 3 sari banatuko dira: txapeldunari , azpitxapel­duna­ri, eta Jokala­ri One­nari Saria.

Omenaldia, Arabiatorreri
Nesken futbola hasi zenetik Joxean Arabiatorre izan da nes­ken taldeko delegatu na­gusia. Horegatik, CD Herna­nik omenaldi txiki bat egin nahi izan dio, bere izenean txapelketa hau sortuta.

Hernaniarrak garaile atzo, Labaien Memorialean.

Urtero bezala, Euskal Ligako jubenilek Labaien Memoriala jokatu zuten atzokoan, Zubipen. Hernanik 22 jokalari atera zituen zelaira, bi taldetan, denei aukera emateko. «Nahiko gazteak dira, eta oso gustora jokatu zuten. Irabazi egin genuen eta oso pozik gaude», azaldu dio Jordi entrenatzaileak Kronikari. Lehenengo partidua Real Sociedad eta Lengokoaken artean izan zen, eta 0 eta 1 irabazi zuten bigarrenek. Bigarren partiduan, Real Sociedad-Hernani, etxekoak irabazi zuten, 0 eta 1. Azken partiduan ere hernaniarrek irabazi zuten: Hernani 2 - Lengokoak 1. Jokalari onenari saria berriz, Lengokoak taldeko atezainari eman zioten, penalti dezente gelditu baitzituen.