Bigarren saria, Legorburuk

Mutrikuko Okelar bertsopaper lehiaketan bigarren saria lortu du Iñigo Legorburu hernaniarrak. Hitzen ekonomian bertso sortarekin lortu du saria. Krisi ekonomikoaren inguruan idatzi du Legorburuk, egungo egoerarekin kritiko azalduz, eta 8 errimako 10 bertso eta Xabier Leteren Langile baten semea doinua erabili ditu horretarako. Saria jaso zuen Arkaitz Estiballes eta Jexux Mari Irazu bertsolarien eskutik: 150 euro eta Okelar anaien liburua. Sari hau, Legorburuk urte honetan lortu dituenen artean 6garrena izan da.