Gaur goizeko 09:45etatik 14:00ak bitartean Autodefentsa Tailerra emango du Hernaniko Txoko Feministak Biterin. Tailer honek jarraipena izango du, aurrerago beste bi egiteko asmoa azaldu baitu taldeak.
Helburua: indarkeria
sexistarekin amaitzea
Tailer hauen helburua, argia da: indarkeria sexistarekin amaitu nahi du Hernaniko Txoko Feministak. Horretarako, beharrezkoak diren jokabide, jarrera eta tresna multzoaren berri emango dute gaurko tailerrean.
«Klabea da nork bere burua maitatzea eta errespetatzea, eta gainontzekoei mugak jartzen ikastea. Azken batean, autoestimua indartzea», diote.
Tailerrak balioko du emakumeak antolatzeko, taldean eztabaidatzeko, elkarri babesa emateko eta espazio kolektibo indartsu bat sortzeko, «ezin baitugu gure segurtasuna eta bizitza beste batzuen esku utzi», azaldu dute.
Beste bi tailer, laster
Oraindik datak zehaztu ez badituzte ere, tailer honek jarraipena izango duela azaldu du Hernaniko Txoko Feministak.
Beste bi tailer egitea aurreikusten dute.