Soziedadeak Bertsotan saioak arrakasta haundia izan zuen lehengo urtean, eta hori horrela, aurten, bigarren edizioa antolatu da. Bihar, 20:30etatik aurrera, bederatzi bertsolariren arteko lehia bizia izango da Sagastialde Elkartean, afari eder baten bueltan.
9 bertsolari; 9 elkarte
Lehian 9 bertsolari ariko dira, eta bertsolari bakoitza Hernaniko soziedade baten ordezkaria izango da. Unai Gaztelumendi Txantxangorri elkartearen izenean ariko da; Iñaki Zelaia, Peña Otañorenean; Eli Pagola, Santa Barbararenean; Aritz Zerain, Urmiarenean; Amaia Otxotorena, Sagastialderenean; Xabier Legarreta, Arano, San Rokerenean; Oier Iurramendi, Karobirenean; eta Iñigo Azpiroz, Xalapartaren izenean. Aurkezle lanetan Arnaitz Lasarte ariko da, eta epaileak izango dira Joxeanjel Oiartzabal eta Mikel Iturbe.
Sarrerak lortzeko aukera
Soziedadeak Bertsotan saiorako sarrerak gelditzen dira oraindik, 18 eurotan, Aralar tabernan. Afaria ere prezio berean sartuta dago.
Bertso musikatuen estreinaldia, larunbatean
Bertsolatako egitarauaren barruan egingo den hurrengo saioa, larunbatekoa izango da. Arratsaldeko 19:30etatik aurrera, Historiaren hari zahar horri...’ bertso musikatuen saioa estreinatuko da. Bertso zahar eta berriak kantatuko ditu Eñaut Agirrek, eta doinu zahar eta berriak joko dituzte Imanol Kamiok eta Aitor Atxegak.