Kaleak berreskuratzen ari gara kanpainaren barruan antolatu du Hernaniko Txoko Feministak larunbateko autodefentsa tailerra. Goizeko 09:45etatik 14:00etara bitartean, «indarkeria sexistaren erroetara jo eta berarekin bukatzeko beharrezkoak diren jokabide, jarrera eta tresna multzoaren» berri emango da, Biteri kultur etxean. «Autodefentsaren bidez autoestimua indartzea» dute helburu.
Tailerra baino gehiago
«Jarrera matxistak identifikatu eta hauei uko egiten trebatzea da autodefentsa egitea. Hori lortzeko, autoestimua indartzea da klabea», diote Txoko Feministako kideek. «Izan ere, nork bere burua maitatzeak eta errespetatzeak laguntzen du, behar denean, jendeari mugak jartzen», gaineratu dute.
Larunbateko tailerraren bidez, hainbat alor landuko dira, taldean: norberaren defendatzeko gaitasuna, emakumeak antolatzea, taldean eztabaidatzea, babesa ematea, espazio komunak sortzea eta kontzientziatzea.
Izen-ematea, zabalik
Izena emateko, ondorengo helbidera idatzi behar da: hernanikotxokofeminista@gmail.com.
Tailerrak, jarraipena
«Espazio kolektibo indartsu bat eraikitzeko ahaleginean», beste pare bat tailer antolatuko dira, urtean zehar.