Aurreneko buelta bukatuta, eta jokalari batzuk min hartuta, Hernanik gustora hartuko ditu Gabonetako oporrak. Atzo 33-0 galdu zuen Katalunian, Santboiana taldearen kontra, eta urtarrilaren 13rako indarrak hartu beharra dauka, Vigoren kontra jokatzeko, bigarren bueltako lehenengo partidua.
Santboiana, talde haundia
Talde haundia da Santboiana, eta atzo jokurik onena atera zuen, Hernaniren kontra. Saiatu ziren hernaniarrak, baina katalanek ondo ikasia zeukaten nola jokatu. Hernanik ez zituen aprobetxatu touche eta mauleak, besteetan bezala, eta 14-0 galtzen zijoazela esperantza bazuten arren, bigarren denbora hasita katalanek egindako entsaioak aukera denak kendu zizkien.