«zer hartuko duzue?», edo «gaur jateko dauzkagu: txorixoa, bakailao tortila eta txuleta»... Txotx denboraldia badator, eta ostalaritzan lan egiteko euskera jakitea ez da gaizki etorriko. Horrexegatik, euskerazko klaseak emango zaizkie, taberna, jatetxe edo sagardotegietan lan egin nahi dutenei. Ikuspuntu erabat praktikoa dauka ikastaroak, lanean behar izaten diren esaldiak ikasi, eta hitz egiteko lotsa galtzeko. Buruntzaldeko Udalek antolatu dute ikastaroa, Banaiz Bagara eta Emun elkarteekin elkarlanean. Urtarrilaren 8an informatzeko bilera egingo dute Biterin, arratsaldeko 18:00etan. Urtarrilean hasiko dira kurtsoak, eta 14 saio izango dira. Apuntatzeko, deitu: 943 00 80 33 edo 645 733 818. Emailez: ninaizgugara@gmail.com.
Erabat praktikoa
Ikuspuntu praktikoarekin egin dute programa, ostalaritzako langile batek egunero behar dituen esaldiak eta abar ikasteko. Benetako taberna edo jatetxeetan emango dira klaseak, egitazko egoerak zein izan daitezkeen ikusteko. Lotsa edo ohitura falta superatzeko ariketak egingo dira, eta kontuan hartuko dira ostalaritzan era guztietako establezimenduak daudela: taberna, sagardotegi...