Gaurko Plenoan, besteak beste, 2013ko Udal aurrekontuak onartzea espero da. Arratsaldeko 18:00etan hasiko da Plenoa, udaletxeko 2garren pixuko Pleno Aretoan, hain zuzen. Udal aurrekontuez gain, ondorengo gaiak azaldu eta onartuko dira: energia elektrikoaren horniduraren kontratua luzatzea, ostegunetako feriaren araudia behin betiko onartzea, hilerriko arautegia behin betiko onartzea, kredituak ez erabilgarritzat jotzeko erabakia, banku etikoa sortzeko Udalaren eta Fiarek elkartearen arteko lankidetza-hitzarmena sinatzea, eta Herrira mugimenduak aurkeztutako mozioa.
Aurrekontuei emendakinak
Datorren urterako Udal aurrekontuak gaur onartzea espero da, behin emendakinak aurkezteko epea bukatu denean. Lehengo astean aurkeztu zuen herritarren aurrean Gobernu Taldeak aurrekontuen proposamena. Ordutik, aukera egon da proposamenari emendakinak aurkezteko, eta EAJ eta H1! alderdiek behintzat aurkeztu dituzte. Gaurko Plenoan erabakiko dira behin betiko aurrekontuak.