Gabonetarako egitarau bete-betea prestatu du Herrira mugimenduak. Lehenengoa bihar bertan izango da. Batetik, Adierazpen Eguna antolatu dute, urtarrilaren 12an Bilbon egingo den manifestaziorako atxikimendua adierazteko. Beraz, bihar pegatinak jartzeko deia luzatu dute, eta bestalde, dei egin dute preso eta iheslarien eskubideen aldeko ekimenak antolatzeko (pegatinak lortzeko edo ekimenak antolatzeko laguntza eskatzeko: hernanira@gmail.com). Era berean, mozioa aurkeztuko da, 18:00etan udaletxean, Bilboko manifestaziorako atxikimendua eskatuz. Bestalde, Gari Garaialderen Zu ikusteko bidean argazki liburua aurkeztuko da, bihar baita ere, 19:00etan Ikatzan. Hurrengo egunetan ekintza gehiago izango dira, eta Elkartasun Denda irekita egongo da, Plazako Kranka dendan.